TODAY NEWS : शाळकरी मुलीची छेड काढून तरुणाची मारहाणकरणाऱ्यावर गुन्हा

शाळकरी मुलीचा पाठलाग करून तिला मारहाण करणाऱ्या प्रणव राजेंद्र काटकर (रा. आंबेवाडी, ता. करवीर) याच्याविरोधात लक्ष्मीपुरी पोलिस ठाण्यात गुन्हा नोंद झाला आहे.

शाळकरी मुलीची छेड काढून तरुणाची मारहाणकरणाऱ्यावर गुन्हा

पीडित मुलगी सातवीत शिकत असून ती आंबेवाडी येथे राहते. प्रणव काटकर हा गेले दोन महिने तिचा सातत्याने पाठलाग करत होता. शुक्रवारी (ता. २०) सकाळी पीडित मुलगी जुना बुधवार पेठेतील शाळेला जात असताना शाळेजवळ संशयित काटकर याने तिला अडवून लज्जा उत्पन्न होईल, असे वर्तन केले. यासंदर्भात घरी सांगितलेस तर वडील आणि मामाला जीवे मारीन अशी धमकी दिली. तसेच तिला मारहाण करून तो मोटारसायकलवरून पळून गेला. पीडित मुलीच्या आईने करवीर पोलिस ठाण्यात फिर्याद दिली असून हा गुन्हा लक्ष्मीपुरी पोलिस ठाण्यात वर्ग करण्यात आला आहे. पोलिस संशयिताचा शोध घेत आहेत.