मुंबई: धारावी, दादर, माहीममध्ये ३७ नवे करोना रुग्ण; ५ मृत्यू

मुंबई : धारावी, दादर आणि माहीममध्ये रुग्णांची संख्या दिवसेंदिवस वाढतच आहे. आज दिवसभरात या तिन्ही परिसरात ३७ नवे रुग्ण सापडले. 

मुंबई : धारावी, दादर आणि माहीममध्ये रुग्णांची संख्या दिवसेंदिवस वाढतच आहे. आज दिवसभरात या तिन्ही परिसरात ३७ नवे रुग्ण सापडले. 

तर , माहीममध्ये प्रत्येकी दोन, तर दादरमध्ये एका रुग्णाचा मृत्यू झाला. आशियातील सर्वात मोठी झोपडपट्टी असलेल्या धारावीत आज दिवसभरात नवे २६ रुग्ण सापडले. तर दोघांचा मृत्यू झाला. त्यामुळं धारावीतील एकूण बाधितांची संख्या ८५९ झाली आहे. तर एकूण मृत्यूची संख्या २९ झाली आहे. आतापर्यंत २२२ जणांना रुग्णालयातून घरी सोडण्यात आले आहे. दादरमध्येही चार नवे रुग्ण सापडले. तर एका रुग्णाचा मृत्यू झाला आहे. दादरमधील एकूण बाधितांची संख्या १०९ झाली आहे. तर आतापर्यंत सहा रुग्ण दगावले आहेत. १७ जणांना डिस्चार्ज देण्यात आला आहे. माहीममध्येही रुग्णांची संख्या वाढतेय. आज दिवसभरात ७ नवे रुग्ण आढळले आहेत. तर दोन रुग्णांचा मृत्यू झाला. एकूण रुग्णसंख्या ११९ झाली आहे. तर आतापर्यंत ७ जणांचा मृत्यू झाला आहे. एकूण २८ रुग्णांना बरे झाल्यानंतर रुग्णालयातून घरी सोडण्यात आले आहे.