पगार एक लाख रुपये... काम फक्त झोपून राहणे!

बेंगळुरू: पगार एक लाख रुपये... काम फक्त झोपून राहणे!! विश्वास बसत नाही ना? पण हे खरं आहे. बेंगळुरूची एक ऑनलाइन कंपनी केवळ दररोज रात्री ९ तास झोपण्यासाठी एक लाख रुपये देणार आहे! अशा १०० रात्री झोपून काढायच्या आहेत. वेकफिट असं या ऑनलाइन कंपनीचं नाव आहे. एका मीडिया वृत्तानुसार या ऑनलाइन स्लीप सोल्युशन फर्मच्या या कार्यक्रमाचं नाव आहे 'वेकफिट स्लीप इंटर्नशीप'. या कंपनीचे संचालक चैतन्य रामलिंगगौडा यांनी सांगितले की, आमचा पहिला प्रयत्न हा आहे की आम्ही लोकांना झोपण्यासाठी प्रेरित करावं. निवडलेल्या लोकांना दररोज रात्री ९ तास पुरेशी झोप घ्यायची आहे. अशा १०० रात्री त्यांनी झोपायचे आहे. कंपनी त्यांना झोपण्यासाठी गाद्याही देणार आहे. सोबतच स्लीप ट्रॅकर आणि विशेष तज्ज्ञांसोबत काउन्सेलिंगचे सेशन्सही ठेवले जातील. जे लोक या इंटर्नशीप कार्यक्रमात निवडले जातील त्यांनी कंपनीला एक व्हिडिओ पाठवायचा आहे ज्यात त्यांनी हे सांगायचे आहे की त्यांना किती चांगली झोप लागली. या स्लीप ट्रॅकर इंटर्नशीपसाठी त्यांना गादीवर झोपण्यापूर्वी किंवा नंतर झोपेचं पॅटर्न रेकॉर्ड करायचं आहे.

from Lifestyle News in Marathi: Lifestyle Online News in Marathi, Fashion News | Maharashtra Times https://ift.tt/2L8vJgT
via Lifestyle