अजितदादांशी काहीही संबंध नाही: धनंजय मुंडे

मुंबई: जोपर्यंत उपमुख्यमंत्री हे राष्ट्रवादीत होते. तोपर्यंत ते माझे नेते होते. तोपर्यंत आमचे संबंध होते. आता ते राष्ट्रवादीत नसल्याने अजित पवारांशी माझा काहीच संबंध राहिलेला नाही, असं राष्ट्रवादीचे नेते यांनी आज स्पष्ट केलं. हॉटेल ग्रँड हयातमध्ये प्रसारमाध्यमांशी बोलताना त्यांनी हे वक्तव्य केलं. राष्ट्रवादीचे अध्यक्ष शरद पवार यांच्या नेतृत्वाखाली आम्ही निवडणूक लढवली. त्यावेळी अजित पवारही आमच्यासोबत होते. आता ते आमच्यासोबत नाही. तो त्यांचा वैयक्तिक निर्णय आहे. अजित पवारांवर माझं प्रेम आहे ही गोष्ट वेगळी. मात्र माझं अंतिम प्रेम आणि निष्ठा ही शरद पवार यांच्याशीच आहे, असं सांगतानाच मी मरेपर्यंत शरद पवारांशी एकनिष्ठ राहिल, असं धनंजय मुंडे म्हणाले. अजित पवार हे राष्ट्रवादीत होते तोपर्यंत माझा त्यांच्याशी संबंध होता. आता माझा त्यांच्याशी काहीही संबंध राहिलेला नाही. त्यांच्याशी अद्यापपर्यंत माझा संपर्कही झालेला नाही, असंही त्यांनी स्पष्ट केलं.

अजित पवारांनी ज्या दिवशी शपथ घेतली. त्या दिवशी मी बंगल्यावर नव्हतो. माझ्या बंगल्यातून फोन गेल्याचंही मला माहित नाही. माझ्या बंगल्यावर कुणाला बोलावलं गेलं हे सुद्धा मला माहित नाही. माझा बंगला हा सर्वांसाठी खुला असतो, असं सांगतानाच त्या दिवशी मी राष्ट्रवादीच्या बैठकीला उशिरा पोहोचलो. त्यामुळे सर्व संभ्रम निर्माण झाला, असंही त्यांनी स्पष्ट केलं. अजित पवारांना पुन्हा राष्ट्रवादीत येण्यासाठी तुम्ही आवाहन करणार का? असा सवाल त्यांना करण्यात आला असता पक्षाच्या वरिष्ठ नेत्यांनी गेल्या दोन दिवसात त्यांच्याशी अनेकवेळा संपर्क साधून त्यांना भेटून पक्षात येण्याची विनंती केली आहे. त्यांनी राष्ट्रवादीत परत यावं ही आमच्या सर्वांची इच्छा आहे. त्यामुळे त्यांनी पुन्हा पक्षात यावं हे मी त्यांना आताही आवाहन करत आहे, असंही ते म्हणाले. आम्ही सर्वच्या सर्व १६२ आमदारांनी संविधानाची शपथ घेऊन एकजूट राहण्याचं ठरवलं आहे. हेच चित्र विधानसभेत बहुमत सिद्ध करतानाच्या वेळेसही राहिल, असंही त्यांनी नमूद केलं.


हेही वाचा

आजीबाईचा बटवा - बाल अरोग्य

Tag. Ilovebeed News , Mumbai News, Parali News, beed live, beedreporter ,Lokmat new beed