पुणेदेवेंद्र फडणवीस यांच्या पत्नी अमृता फडणवीस यांनी मुख्यमंत्री उद्धव ठाकरे यांच्यावर 'ठाकरे' आडनावावरुन केलेल्या टीकेच्या वादात मनसेनं उडी घेतली आहे. 'बाई जरा दमानं घ्या', असा खोचक सल्ला मनसेच्या पुण्यातील नगरसेविका रुपाली पाटील-ठोंबरे यांनी अमृता फडणवीस यांना दिला आहे. रुपाली ठोंबरे यांनी फेसबुक पोस्टमधून अमृता फडणवीस यांच्यावर टीका केलीय.
'ठाकरे नाव लावून ठाकरे होता येत नाही हे बोलणाऱ्या डोक्यावर पडल्या आहेत', असा खोचक टोला ठोंबरे यांनी लगावला आहे. मिसेस मुख्यमंत्री म्हणून मिरवल्या आता जरा भानावर या, असंही ठोंबरे यांनी पोस्टमध्ये म्हटलं आहे. देवेंद्र फडणवीसांनी राहुल गांधी यांच्यावर टीका करण्यासाठी केलेल्या ट्विटचा आधार घेत अमृता फडणवीस यांनी उद्धव ठाकरे यांना लक्ष्य केलं होतं. 'केवळ ठाकरे आडनाव लावल्याने कुणी ठाकरे होत नाही..त्यासाठी सत्यवादी आणि तत्वनिष्ठ असावं लागतं', अशा आशयाचे ट्विट अमृता फडणवीस यांनी केलं होतं. त्यानंतर अमृता फडणवीसांवर जोरदार टीका सुरु झाली. अमृता यांनी केलेल्या ट्विटबाबत देवेंद्र फडणवीस यांना विचारण्यात आलं. त्यावर 'अमृता फडणवीस या स्वतंत्र व्यक्तीमत्व असून त्यांना त्यांची मतं आहेत', असं फडणवीस म्हणाले होते. फडणवीसांच्या या विधानाचाही रुपाली ठोंबरे यांनी फेसबुक पोस्टमधून समाचार घेतला आहे. ठोंबरे यांनी अमृता फडणवीस यांना राजकारणात येण्याचा सल्ला दिला. 'बाई तुम्ही राजकारणात या, चांगले काम करा. स्वतंत्र व्यक्तीमत्व म्हणजे तुम्ही काहीही बोलणे असे होत नाही', असं ठोंबरे यांनी म्हटलं आहे. यासोबतच अमृता फडणवीस यांना भानावर येण्याचा सल्लाही त्यांनी दिला आहे.
![1000+ Whatsapp Group Links to Join – 2019 Best [*Active*] Chat Groups](https://blogger.googleusercontent.com/img/b/R29vZ2xl/AVvXsEhmd2gKx90a1wmpLG_PAmIz_7nywmLPWnelg-F82IiABjs-eix2H_LBBoNHIn38uAXnCUXT-RkMysHZc85ObMWuNbLpgnPilPcn9fxY6vrfuWlx2GRjHqHOB8H9KAzSlPhR219pGaOWzEI/w100/v.jpg)
