कन्येच्या पराभवामुळेच खडसेंची टीका: काकडे

पुणे: नेते यांच्यावर भाजपने कोणताही अन्याय केलेला नाही. त्यांना पक्षाने वेळोवेळी अनेक संधी दिल्या. त्यांच्या मुलीचा विधानसभा निवडणुकीत पराभव झाला. त्यामुळे ते भाजपवर टीका करत आहेत, अशी टीका भाजपचे सहयोगी खासदार यांनी खडसेंवर केली. तसेच मी भाजपचा खासदार नाही, भाजपचा सहयोगी खासदार आहे. त्यामुळे भाजपला सोडून जाण्याचा प्रश्नच येत नाही, असंही त्यांनी स्पष्ट केलं. राज्यात महाराष्ट्र विकास आघाडीचं सरकार आल्यानंतर भाजप नेते एकनाथ खडसे प्रचंड आक्रमक झाले असून त्यांनी भाजपवर टीका करायला सुरुवात केली आहे. भाजपमधील वरिष्ठ नेत्यांच्या कारस्थानामुळेच भाजप नेत्या आणि रोहिणी खडसे यांचा पराभव झाला आहे. भाजपमध्ये बहुजन समाजातील नेत्यांना डावलले जात आहे, असा आरोप खडसे यांनी केला होता. या पार्श्वभूमीवर संजय काकडे यांनी हे विधान केलं. खडसेंना भाजपने खूप संधी दिली आहे. त्यामुळे त्यांच्यावर अन्याय झाला असे म्हणता येणार नाही. त्यांची नाराजी काही कारणांसाठी असू शकेल. परंतु, ते आपल्या मुलीच्या पराभवामुळे बोलत असतील. आपल्या मुलीला निवडून आणता आले नसल्याच्या नैराश्यातून त्यांनी काही विधाने केली असतील, असं संजय काकडे म्हणाले. आमदार आघाडीसोबत जाणार नाही भाजपमधील १२ आमदार काँग्रेस आघाडीसोबत जाण्याचं वृत्तही त्यांनी फेटाळून लावलं. सध्याच्या घडीला भाजपचे १२ आमदार काँग्रेस-राष्ट्रवादी-शिवसेनेसोबत जातील असं वाटत नाही. या आघाडीकडे १७० आमदारांचं भक्कम बळ आहे. त्यामुळे विनाकारण १२ आमदारांना ही आघाडी निमंत्रण देणार नाही. त्यामुळे आमदार फुटणार असल्याच्या बातमीत तथ्य नसल्याचंही ते म्हणाले. राज्यसभेतील एक खासदारही आघाडीसोबत जाणार आहे, हा खासदार तुम्ही तर नव्हे? असा प्रश्न काकडे यांना विचारण्यात आला. त्यावर त्यांनी भाजपसोबतच राहणार असल्याचं स्पष्ट करत आपल्याबाबतचं वृत्त निराधार असल्याचं म्हटलं. बातमीनुसार भाजपचा राज्यसभेचा खासदार फुटणार आहे. मी तर भाजपचा सहयोगी खासदार आहे. त्यामुळे माझ्यावर संशय व्यक्त करणं चुकीचं आहे. मी भाजपसोबत असून भाजपसोबत कायम राहणार आहे, असंही त्यांनी स्पष्ट केलं.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/2Pmqw6C
via IFTTT