पंकजांबद्दल चर्चा; CM ठाकरेंनी साधला मुहूर्त!

मुंबई: दिवंगत गोपीनाथ मुंडे यांच्या कन्या, भाजप नेत्या व माजी मंत्री या शिवसेनेच्या वाटेवर असल्याच्या चर्चांना उधाण आले असतानाच महाराष्ट्राचे मुख्यमंत्री व शिवसेना पक्षप्रमुख यांनी एक सूचक ट्विट केल्याने या चर्चांना आणखीच फोडणी मिळाली आहे. उद्धव ठाकरे यांनी महाराष्ट्राचे मुख्यमंत्री म्हणून शपथ घेतल्यानंतर पंकजा मुंडे यांनी लगेचच ट्विटरच्या माध्यमातून उद्धव ठाकरेंना शुभेच्छा दिल्या होत्या. एका ठाकरेंनी पहिल्यांदाच निवडणूक लढवली आणि एक ठाकरे मुख्यमंत्री झाले. 'राज्याचे हित प्रथम' हीच महाराष्ट्राची संस्कृती व परंपरा असून राज्याच्या उज्ज्वल भविष्यासाठी नवीन मुख्यमंत्र्यांना शुभेच्छा, असे ट्विट पंकजा यांनी केले होते. या शुभेच्छांबद्दल धन्यवाद देण्यासाठी उद्धव ठाकरे यांनी नेमका आजचाच मुहूर्त साधल्याने अनेकांच्या भुवया उंचावल्या आहेत. पंकजा ताई मुंडे, असा पंकजा यांचा उल्लेख करत उद्धव यांनी पंकजांचे आभार मानले आहेत. 'राज्याचे हित प्रथम' याच संस्कृती आणि परंपरेने महाराष्ट्र विकास आघाडीचे सरकार महाराष्ट्राच्या हितासाठी काम करेल आणि स्वर्गीय गोपीनाथ मुंडे यांना अभिप्रेत असा महाराष्ट्र घडेल, असा विश्वास मी तुम्हाला देतो, अशा शब्दांत मुख्यमंत्री उद्धव ठाकरे यांनी पंकजा यांच्या ट्विटला प्रतिसाद दिला आहे. भाजप नेत्यांची चिंता आणखी वाढली! पंकजा मुंडे येत्या १२ डिसेंबर रोजी आपली पुढची राजकीय वाटचाल काय असेल, हे जाहीर करणार आहेत. एका फेसबुक पोस्टच्या माध्यमातून त्यांनी तसं स्पष्ट केलं आहे. त्यात कार्यकर्त्यांना 'मावळे' म्हणत त्यांनी साद घातल्याने त्याचे अनेक अर्थ काढले जात असतानाच आज पंकजा यांनी आपल्या ट्विटर प्रोफाइलमधून भाजपचा उल्लेख हटवला आणि चर्चेला अधिकच उधाण आलं. पंकजा शिवसेनेच्या वाटेवर असल्याची चर्चा त्यातूनच सुरू झाली. भाजपचे प्रदेशाध्यक्ष चंद्रकांत पाटील आणि भाजप नेते विनोद तावडे यांनी घाईघाईने पत्रकार परिषद घेऊन पंकजा भाजपमध्ये होत्या, आहेत आणि भाजपमध्येच राहणार असे स्पष्ट केले. या सगळ्या घडामोडींदरम्यान पंकजा यांच्याकडून कोणतीच प्रतिक्रिया आलेली नसतानाच मुख्यमंत्री उद्धव ठाकरे यांनी पंकजा यांचे आभार व्यक्त करण्यासाठी आजचाच मुहूर्त साधल्याने भाजपच्या गोटातील चिंता अधिकच वाढली आहे.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/34HFjiA
via IFTTT