नांदेडमध्येही करोनाचा शिरकाव; पहिला रुग्ण आढळला!

नांदेड: करोनाचा एकही रुग्ण नसल्यानं ग्रीन झोनमध्ये टाकण्यात आलेल्या जिल्ह्यातही करोनानं शिरकाव केल्याचं उघडकीस आलं आहे. पिरपुराण भागातील ६४ वर्षीय इसम करोना पॉझिटिव्ह निघाला आहे. त्यानंतर खबरदारीचा उपाय म्हणून प्रशासनानं सकाळपासूनच तो भाग सील करण्यास सुरुवात केली आहे. 
राज्य सरकारनं लॉकडाउन घोषित केल्यासपासून नांदेड जिल्हा प्रशासनाकडून त्याची काटेकोरपणे अंमलबजावणी केली जात होती. त्यामुळं करोनाला अटकाव करण्यात जिल्हा प्रशासन यशस्वी ठरले होते. त्यामुळं करोनाच्या दृष्टीनं राज्य सरकारकडून करण्यात आलेल्या विभागणीमध्ये नांदेड जिल्हा ग्रीन झोनमध्ये समाविष्ट झाला होता. त्यानंतर प्रशासनानं काही प्रमाणात लॉकडाऊन शिथील केलं होतं. त्यानंतर दोन दिवसांच्या आतच एक रुग्ण पॉझिटिव्ह आढळला आहे. जिल्हा आरोग्य प्रशासनाने मंगळवारी नऊ जणांचे नमुने तपासणीला पाठविले होते. यात एकाचा अहवाल पॉझिटिव्ह आला आहे. त्याबद्दल समजताच प्रशासनानं रुग्णाचं वास्तव्य असलेला परिसर ताब्यात घेतला असून अन्य उपाययोजना सुरू करण्यात आल्या आहेत

जाणून घेऊया आजच्या दिवसभरातील ताज्या घडामोडी..

'लॉकडाऊन'मध्ये लग्नाचा बस्ता; अठरा जणांवर गुन्हा

बीड पालीकेने घरपट्टी, पाणीपट्टी पूर्णपणे माफ करावी- पप्पु कागदे

पुण्यात १७ नर्स, तीन डॉक्टरांना करोनाची लागण

'त्यांना' साधू मेल्याचं नाही, पेटवापेटवी अपयशी ठरल्याचं दु:ख!

करोनाचे मुंबईत ३०९० रुग्ण; आज ७ दगावले