ठाणे: राज्याचे गृहनिर्माण मंत्री यांना ठाण्यातील एका खासगी रुग्णालयात दाखल करण्यात आले आहे. याबाबत पीटीआय या वृत्तसंस्थेने वृत्त दिले आहे. खबरदारीचा भाग म्हणून तपासणी करून घेण्यासाठी आव्हाड रुग्णालयात दाखल झाल्याचेही नमूद करण्यात आले आहे. मुंब्रा-कळवा विधानसभा मतदारसंघाचे आमदार जितेंद्र आव्हाड यांना मंगळवारी ठाण्यातील एका खासगी रुग्णालयात दाखल करण्यात आले असल्याच्या वृत्ताला राष्ट्रवादीतील सूत्रांकडून दुजोरा देण्यात आला आहे.
ठाणे महापालिकेतील एका वरिष्ठ अधिकाऱ्यानेही आव्हाड यांना रुग्णालयात दाखल करण्यात आल्याच्या वृत्ताला दुजोरा दिल्याचे यूएनआय या वृत्तसंस्थेच्या वृत्तात नमूद करण्यात आले आहे. आव्हाड यांना नेमके कशासाठी रुग्णालयात दाखल करण्यात आले हे कळू शकलेले नाही, असे या वृत्तात म्हटले आहे. दरम्यान, आव्हाड यांच्या सुरक्षेतील काही पोलिसांचे करोना चाचणी अहवाल पॉझिटिव्ह आले होते. त्यानंतर आव्हाड यांनी खबरदारी म्हणून स्वत:ला होम क्वारंटाइन करून घेतले होते. १३ एप्रिलपासून ते सेल्फ क्वारंटाइन आहेत. त्यांनी आपली करोना चाचणीही करून घेतली होती. या चाचणीचा अहवाल निगेटिव्ह आला होता. याबाबत आव्हाड यांनी ट्विटरच्या माध्यमातून माहिती दिली होती. करोना चाचणीचा अहवालही त्यांनी ट्विटरवर पोस्ट केला होता.
![1000+ Whatsapp Group Links to Join – 2019 Best [*Active*] Chat Groups](https://blogger.googleusercontent.com/img/b/R29vZ2xl/AVvXsEhmd2gKx90a1wmpLG_PAmIz_7nywmLPWnelg-F82IiABjs-eix2H_LBBoNHIn38uAXnCUXT-RkMysHZc85ObMWuNbLpgnPilPcn9fxY6vrfuWlx2GRjHqHOB8H9KAzSlPhR219pGaOWzEI/w100/v.jpg)
