नगरमध्ये महिलेला तलवारीचा धाक दाखवून दरोडा

अहमदनगर: राज्यात लॉकडाऊन सुरू असतानाच नगरमध्ये अत्यंत धक्कादायक घटना घडली आहे. श्रीगोंदा शहरातील भोळे वस्तीत राहणाऱ्या महिलेच्या घरावर सात जणांनी टाकला. या महिलेला तलवारीचा धाक दाखवून तिच्यावर शारिरीक अत्याचार करण्याची धमकी दिली. त्यानंतर चार हजारांचा ऐवज लंपास केला. ही घटना मंगळवारी मध्यरात्री घडली आहे. गुन्हा दाखल करून पोलिसांनी तपास सुरु केला आहे. पोलिस अधिक्षक आखिलेशकुमार यांनी घटना स्थळास भेट देऊन तपासाच्या सूचना पोलिस अधिकाऱ्यांना देण्यात आल्या आहेत. भोळे वस्तीजवळ राहणाऱ्या एका महिलेच्या घरावर सात दरोडेखोरांनी दरोडा टाकला. या महिलेस तलवारीचा धाक दाखवून तिच्यावर दरोडेखोराने शारिरीक अत्याचार करण्याचा प्रयत्न केला. तिच्याकडील एक हजार किमतीचा मोबाईल, ३ हजार रुपये किंमतीचे दागिने हिसकावून नेण्यात आले आहेत. ही माहिती मिळाल्यानंतर पोलिस निरीक्षक दौलतराव जाधव व कर्मचारी घटनास्थळी गेले. या जखमी महिलेला उपचारासाठी ग्रामीण रुग्णालयात दाखल करण्यात आले आहे. जिल्हा पोलीस अधीक्षक आखिलेशकुमार सिंह यांनी श्रीगोंद्यात येऊन महिलेशी चर्चा केली. तसेच श्रीगोंदा पोलिसांना तपासाबाबत सूचना दिल्या आहेत.