...म्हणून 'पानिपत'चं नवं पोस्टर आहे खास!

मुंबई: बॉलिवूडमध्ये सध्या ऐतिहासिक चित्रपटांचं वातावरण आहे. 'तान्हाजी' चित्रपटाचा ट्रेलर लाँच झाल्यानंतर आता ' : द ग्रेट बेट्रेयल' चित्रपटाचं नवं पोस्टर लाँच झालं आहे. ज्या ठिकाणी पानिपतचं युद्ध झालं त्या युद्धभूमीची एक झलक पोस्टरमध्ये पाहायला मिळतेय. अभिनेता अर्जून कपूरनं त्याच्या इन्स्टाग्रामवर हे पोस्टर लाँच केलं आहे. या 'ऐतिहासिक युद्धाचे ६डिसेंबरला साक्षीदार व्हा,' असं कॅप्शनही अर्जूननं दिलं आहे. 'मराठी साम्राज्याच्या भाळावरची भळभळणारी जखम' असं पानिपतच्या युद्धाचं वर्णन केलं जातं. येत्या ६ डिसेंबरला पेशव्यांची परंपरा, समृद्धी, भव्यता पुन्हा एकदा प्रेक्षकांना अनुभवता येणार आहे. इसवी सन १७६१ मध्ये झालेलं हे युद्ध भारताच्या इतिहासातलं सर्वांत महत्त्वाचं युद्ध मानलं जातं. पानिपतच्या याच युद्धाचा थरार चित्रपटाच्या माध्यमातून मोठ्या पडद्यावर प्रेक्षकांना अनुभवता येणार आहे. या चित्रपटात अभिनेता संजय दत्त, अर्जुन कपूर, अभिनेत्री क्रिती सेनॉन मुख्य भूमिका साकारताना दिसणार आहेत. या चित्रपटातील प्रमुख व्यक्तिरेखा साकारणाऱ्या कलाकारांचे फर्स्ट लुक सोमवारीच सोशल मीडियाच्या माध्यमातून प्रेक्षकांसमोर प्रदर्शित करण्यात आले होते.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/2QG6kP8
via IFTTT