नगर: खंडणीसाठी बांधकाम मजुराचा कुऱ्हाडीनं खून

अहमदनगर: गावात बांधकाम करायचे असेल तर पैसे द्यावे लागतील असे म्हणून बांधकाम मजुराचा कुर्‍हाडीने वार करून खून करण्यात आला आहे, तर एकाच्या खुनाचा प्रयत्न करण्यात आला. पाथर्डी तालुक्यातील रांजणी येथे ही घटना घडली. याप्रकरणी मंगळवारी रात्री पाथर्डी पोलिस स्टेशनला खुनाचा गुन्हा नोंदविण्यात आला आहे.साहील उर्फ सोन्या मुबारक पठाण असे हत्या झालेल्या मजुराचे नाव आहे.
तो नगर तालुक्यातील खोसपुरी येथील रहिवासी आहे. इरफान हसन पठाण (वय- २०, रा. खोसपुरी ता- जि अहमदनगर) हे जखमी झालेले आहेत. याप्रकरणी बुट्या पवार, साहेबराव तुकाराम पवार (दोघे रा. रांझणी, ता. पाथर्डी) व इतर दोन अनोळखी व्यक्तींविरुद्ध गुन्हा दाखल करण्यात आला आहे. वाचा: पाथर्डी तालुक्यातील रांजणी येथील नवनाथ मारुती घोडके यांच्या घराचे बांधकाम सुरू आहे. इरफान पठाण हे व त्याचा चुलत भाऊ व चुलता हे बांधकाम करीत होते. गावातील टोळक्याने येऊन आमच्या गावात बांधकाम करायचे असेल, तर हप्ता द्यावा लागेल, असे म्हणून साहील उर्फ सोन्या मुबारक पठाण (वय -१९) यांच्या डोक्यात कु-हाड घालून त्यास जीवे ठार मारले. तसेच इरफान पठाण यांना कु-हाड मारुन जीवे मारण्याचा प्रयत्न केला. वाचा: