पंकजांनी सेनेत जावे; मुंडेंच्या सहकाऱ्याचा सल्ला!

मुंबई: या ओबीसी नेत्या असल्यामुळे त्यांचे भाजपमध्ये खच्चीकरण केले जात असल्याचा थेट आरोप दिवंगत गोपीनाथ मुंडे यांचे निकटवर्तीय म्हणून ओळखले जाणारे धनगर समाजाचे नेते, माजी आमदार यांनी केला आहे. पंकजा यांनी आपलं राजकीय अस्तित्व राखण्यासाठी भाजप सोडून शिवसेनेत प्रवेश करावा, असा सल्लाही शेंडगे यांनी पंकजांना दिला. विधानसभा निवडणुकीत परळीत पंकजा मुंडे यांना चुलत बंधू व राष्ट्रवादीचे नेते धनंजय मुंडे यांच्याकडून धक्कादायकरित्या पराभव पत्करावा लागला. हा पराभव पंकजा यांच्या जिव्हारी लागला आहे. निवडणुकीनंतर अस्वस्थ असलेल्या पंकजा यांनी पुढील राजकीय वाटचालीबाबत येत्या १२ डिसेंबर रोजी घोषणा करणार असल्याचे फेसबुक पोस्टच्या माध्यमातून स्पष्ट केले आहे. त्यातच स्वत:च्या ट्विटर अकाउंटवरून पंकजा यांनी भाजपचा उल्लेख हटवल्याने त्या शिवसेनेच्या वाटेवर असल्याच्या चर्चांना उधाण आलं होतं. मात्र तशी शक्यता पंकजा यांनी लगेचच फेटाळून लावली. बंडखोरी माझ्या रक्तात नाही. मी भाजपमध्येच राहणार, असे पंकजा यांनी मंगळवारी स्पष्ट केले. या सर्व घडामोडींच्या पार्श्वभूमीवर एकेकाळचे गोपीनाथ मुंडे यांचे जवळचे सहकारी व भाजपचे माजी आमदार प्रकाश शेंडगे यांनी पंकजा यांना थेट भाजपला सोडचिठ्ठी देण्याचा सल्ला देत नव्या चर्चेला तोंड फोडले आहे. वाचा: भाजपमध्ये नेहमीच ओबीसी नेत्यांचे खच्चीकरण करण्यात आले आहे. गोपीनाथ मुंडे यांनाही त्यातून जावे लागले. मुंडे यांना तर भाजपमधून काढण्याचा प्रस्ताव विधिमंडळ पक्षाच्या बैठकीत आणण्यात आला होता. हा प्रस्ताव तेव्हा फेटाळण्यात आला होता, असा दावा शेंडगे यांनी केला. जे गोपीनाथ मुंडे यांच्या बाबतीत झाले तेच आज पंकजा मुंडे यांच्या बाबतीत होत आहे. पंकजा यांचे पक्षात खच्चीकरण सुरू आहे. त्याने दबून न जाता त्यांनी स्वत:चं राजकीय अस्तित्व टिकवण्यासाठी भाजप सोडून शिवसेनेत जायला हवे, हाच माझा त्यांना सल्ला राहील, असे शेंडगे म्हणाले. वाचा: प्रकाश शेंडगे यांनी मुख्यमंत्री उद्धव ठाकरे यांच्या नेतृत्वावरही विश्वास व्यक्त केला. नवे मुख्यमंत्री धनगर समाजाच्या आरक्षणाचा प्रश्न मार्गी लावून न्याय देतील व नाणार तसेच आरे प्रमाणे धनगर आरक्षणासाठी आंदोलन करणाऱ्या आंदोलकांवरील गुन्हेही मागे घेण्याचे आदेश ते देतील, अशी अपेक्षा शेंडगे यांनी व्यक्त केली.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/2RiCosP
via IFTTT