शिवसेना खासदाराच्या कारनं हरणाला चिरडलं!

मुंबई: यांच्या कारनं एका हरणाला चिरडल्याची घटना घडली आहे. यात हरणाचा मृत्यू झाला आहे. अपघाताच्या वेळी गावित गाडीमध्ये नव्हते, अशी माहिती अधिकाऱ्यांनी दिली. बोरिवली येथील संजय गांधी नॅशनल पार्क उद्यानाच्या प्रवेशद्वाराजवळ बुधवारी सकाळी हा अपघात झाला. अपघातानंतर हरणाला तातडीनं पशूवैद्यकीय रुग्णालयात दाखल करण्यात आलं. मात्र, तिथं त्याला मृत घोषित करण्यात आलं. राजेंद्र गावित हे पालघरचे लोकसभा मतदारसंघाचे खासदार आहेत. काँग्रेसला सोडचिठ्ठी देऊन गावित यांनी आधी भाजपमध्ये प्रवेश केला होता आणि शिवसेनेच्या श्रीनिवास वनगा यांच्याविरुद्ध निवडणूक लढली होती. त्यात त्यांचा विजय झाला. मात्र, लोकसभेला भाजप-शिवसेना युती झाल्यानंतर त्यांनी शिवसेनेत प्रवेश करून निवडणूक लढविली आणि पुन्हा एकदा विजय मिळवला.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/33B85zT
via IFTTT