पुण्यातील करोना रुग्णांची वाढती संख्या पाहून प्रशासनाने आता लॉकडाऊनच्या नियमांची कठोर अंमलबजावणी सुरू केलीय आहे

पुणेः पुण्यातील करोना रुग्णांची वाढती संख्या पाहून प्रशासनाने आता लॉकडाऊनच्या नियमांची कठोर अंमलबजावणी सुरू केलीय आहे. शहरातील प्रतिबंधित क्षेत्रांमध्ये (कंटेन्मेंट झोन) दवाखाने वगळता भाजीपाला, किराणा माल व इतर जीवनावश्यक वस्तूंची दुकाने १७ मे पर्यंत पूर्ण बंद ठेवण्याचे आदेश महापालिका आयुक्त शेखर गायकवाड यांनी दिले आहेत. कंटेन्मेंट झोन बंद ठेवण्याचा निर्णय हा सोमवारी ११ मे म्हणजे उद्या मध्यरात्रीपासून लागू होईल.

सूर्यप्रकाशामुळे कोरोना विषाणूंचा नाश लवकर होतो का ?

या काळात दूध आणि आवश्यक वस्तूंचा पुरवठा महापालिका आणि पोलिस संयुक्तपणे करणार आहेत, अशी माहिती देण्यात आलीय. दरम्यान, लॉकडाऊनमध्ये शहरात एकटे राहणाऱ्या ज्येष्ठ नागरिकांना त्वरीत मदत मिळावी म्हणून पुणे पोलिसांच्या ज्येष्ठ नागरिक कक्षाकडून प्रयत्न सुरू आहेत. आतापर्यंत ज्येष्ठ नागरिक कक्षाकडून शहरातील ११ हजार २०० ज्येष्ठ नागरिकांबरोबर वैयक्तिक पातळीवर संपर्क करून त्यांची विचारपूस करण्यात आली आहे. तसेच ज्येष्ठ नागरिकांच्या समस्या सोडविण्यात येत असून त्यांना जीवनावश्यक वस्तू, घरपोच डबा, औषधे पोहचविण्यात येत आहेत. पुणे शहर जिल्ह्यातील करोना रुग्णांची संख्या वाढून २ हजार ७६६ वर गेलीय. तर मृतांचा आकडा १५५ झाला आहे.