बंडखोरी माझ्या रक्तात नाही; पंकजा मुंडेंनी अखेर मौन सोडलं

मुंबईः कोणत्या मार्गाने जायचं हे १२ डिसेंबरला सांगणार अशी फेसबुक पोस्ट केल्यानंतर दिवंगत गोपीनाथ मुंडे यांच्या कन्या, भाजप नेत्या व माजी मंत्री या शिवसेनेच्या वाटेवर असल्याच्या चर्चांना उधाण आले होते. परंतु, पंकजा मुंडे यांनी याविषयी पहिल्यांदाच स्पष्टीकरण दिले आहे. दबावतंत्रासाठी मी फेसबुक पोस्ट केली नाही. मी पक्षाची सच्ची कार्यकर्ती आहे. बंडखोरी माझ्या रक्तात नाही. माझ्या फेसबुक पोस्टचा विपर्यास करण्यात आला. चुकीच्या बातम्यामुळे मी व्यथित झाले. पक्षासी मी बांधील आहे. तसेच भाजप पक्ष सोडण्याबाबत अफवा पसरवण्यात आल्याचे पंकजा मुंडे यांनी म्हटले आहे. विधानसभा निवडणुकीत परळी मतदारसंघात पराभव झालेल्या भाजपच्या माजी मंत्री पंकजा मुंडे यांनी, १२ डिसेंबरला भाजपचे नेते गोपीनाथ मुंडे यांच्या जयंतीच्या दिवशी, आपण भविष्यातील वाटचालीबाबत बोलू या, अशी फेसबुक पोस्ट टाकल्याने पंकजा मुंडे या भाजप सोडणार असल्याच्या चर्चेला उधाण आले आहे. तर पंकजा मुंडे या भाजप सोडणार, या केवळ अफवा असून पंकजा मुंडे या कालही भाजपच्या नेत्या होत्या आजही आहेत आणि उद्याही असतील, असे भाजपचे प्रदेशाध्यक्ष चंद्रकांत पाटील यांनी स्पष्ट केले. भाजप नेत्यांकडून वारंवार पंकजा मुंडे या भाजप सोडणार नाही, असे सांगितले जात होते. परंतु, पंकजा मुंडे या मात्र यावर काहीही बोलायला तयार नव्हत्या. आज विनोद तावडे यांनी पंकजा मुंडे यांची भेट घेऊन चर्चा केली. तर माजी मुख्यमंत्री देवेंद्र फडणवीस यांनी पंकजा मुंडे यांच्याशी फोनवरून चर्चा केली. तसेच घरी जेवणासाठीचे आमंत्रण दिले. मुख्यमंत्र्यांसोबत झालेल्या चर्चेनंतर पहिल्यांदा पंकजा मुंडे यांनी फेसबुक पोस्टवर आपले स्पष्टीकरण दिले आहे. पंकजा मुंडे या पहिल्यांदाच कॅमेऱ्यासमोर आल्या असून त्यांनी म्हटले, मी दबावतंत्रासाठी फेसबुक पोस्ट केली नाही. मी पक्षाची सच्ची कार्यकर्ती आहे. माझ्या फेसबुक पोस्टचा विपर्यास करण्यात आला तसेच भाजप पक्ष सोडण्याबाबत अफवा पसरवण्यात आल्याचे पंकजा मुंडे यांनी म्हटले आहे. परळी विधानसभा मतदारसंघात राष्ट्रवादी काँग्रेसचे नेते धनंजय मुंडे यांनी पंकजा मुंडे यांचा पराभव केला होता. पक्षांतर्गत विरोधकांमुळे पंकजा मुंडे यांचा पराभव झाला असल्याचे त्यांचे समर्थक बोलत आहेत. तसेच पंकजा मुंडे या नाराज आहेत. पंकजा मुंडे यांनी रविवारी फेसबुक पोस्ट केली. या पोस्टने भाजपमध्ये खळबळ उडवून दिली आहे. १२ डिसेंबरला भाजपचे दिवंगत नेते गोपीनाथ मुंडे यांची जयंती आहे. भगवान गडावर गोपीनाथ मुंडे यांचे स्मारक आहे. तेथे आपण जमणार आहोत. आता काय करायचे, कोणता मार्ग स्वीकारायचा.. आपण लोकांना काय देऊ शकतो.. आपली ताकद काय आहे... पराभव मी स्वीकारला आहे... पण पुढे जायचे आहे.. अशा फेसबुक पोस्टने पंकजा मुंडे या भाजपला रामराम ठोकतील, आणि शिवसेनेत प्रवेश करतील, अशा चर्चाना राजकीय वर्तुळात आणि सोशल साईटवर उधाण आले होते.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/368gGvV
via IFTTT