करोनाचे मुंबईत ३०९० रुग्ण; आज ७ दगावले

मुंबई: महाराष्ट्रात मुंबईमध्ये करोनाचा सर्वाधिक प्रादुर्भाव असून आज दिवसभरात करोनाचे १५५ नवे रुग्ण आढळल्याने एकूण करोनाबाधितांची संख्या ३ हजार ९० इतकी झाली आहे. गेल्या २४ तासांत मुंबईत करोनाने ७ जणांचा मृत्यू झाला असून एकूण मृत्यूसंख्या आता १३८ झाली आहे. दरम्यान, दिलासा देणारी बाब म्हणजे मुंबईत सोमवारी करोनाचे ८४ रुग्ण पूर्ण बरे झाले असून आतापर्यंत ३९४ रुग्णांनी करोनावर मात केली आहे.
 करोनाबाधित रुग्णांच्या सोमवारच्या आकडेवारीत १४ ते १७ एप्रिलदरम्यान विविध प्रयोगशाळांत झालेल्या चाचण्यांच्या अहवालाचा अंतर्भाव करण्यात आला आहे. हे एकूण १३७ रुग्ण आहेत. या रुग्णांवर विविध रुग्णालयांत उपचार सुरू आहेत, असे पालिकेने स्पष्ट केले.
 करोनाने गेल्या २४ तासांत ७ जणांचा मृत्यू झाला असून त्यातील ६ रुग्णांना दीर्घकालीन आजार होते तर १ रुग्ण वयोवृद्ध होता, असेही नमूद करण्यात आले आहे. आतापर्यंत मुंबईत करोनामुळे १३८ रुग्णांचा मृत्यू झाला आहे. अन्य तपशील पाहिल्यास मुंबईतील विविध रुग्णालयांत आज करोना सदृष्य आजाराची लक्षणे असलेले ३६३ रुग्ण दाखल झाले आहेत. अशा रुग्णांची एकूण संख्या आता ६ हजार ७७६ इतकी झाली आहे.


जाणून घेऊया आजच्या दिवसभरातील ताज्या घडामोडी..

Live: संकट गहिरे! राज्यातील रुग्णसंख्या ४६६६ वर

ऐकू कमी येणाऱ्या वयस्कर आजी-बाबां साठी कानाचे मशीन ..

करोना: मालेगावात युनानी डॉक्टरसह दोघांचा मृत्यू

धुळे आणि पालघरमध्ये करोनाचे दोन रुग्ण सापडले

राज्यात २८३ नवे करोनाग्रस्त; रुग्णसंख्या ४४८३वर