धावत्या रेल्वेत महिलेला प्रसूतीवेदना सुरू झाल्या आणि...

मुंबई बातम्या : मुंबईहून मध्य प्रदेशात निघालेल्या श्रमिक विशेष रेल्वे गाडीत एका गर्भवती महिलेला प्रसूती वेदना होऊ लागल्यानं तिचे कुटुंबीय हवालदिल झाले होते. मात्र, रेल्वे पोलीस व सुरक्षा कर्मचाऱ्यांनी सतर्कता दाखवून जळगावातील स्थानकावर गाडी थांबवली व संबंधित महिलेला रुग्णालयात नेले.
💥 जंगली प्राण्यांचे मांस खाण्यावर पाच वर्षांसाठी बंदी
 तिथं या महिलेची सुखरूप प्रसूती झाली. मुंबईहून मध्यप्रदेशात जाण्यासाठी निघालेल्या श्रमिक रेल्वेतील एस-१९१२९७ या कोचमध्ये एक परप्रांतीय गर्भवती महिला प्रवास करत होती. प्रवासात तिला अचानक प्रसूतीकळा सुरू झाल्या. यावेळी रेल्वे गाडीने चाळीसगाव स्थानक सोडले होते. गाडीत असलेल्या महिलेला प्रसूती वेदना होत आहेत,
💁‍♂️ किल्लेधारूर परिसरात पाण्याअभावी मोराचा मृत्यू
असा मेसेज पाचोरा येथील रेल्वे स्थानक अधीक्षकांना देण्यात आला. त्यानंतर अधीक्षकांनी रेल्वे पोलीस सुभाष बोरसे यांना मदतीच्या सूचना केल्या. सुभाष बोरसे यांनी तत्काळ रेल्वे स्थानकावर रुग्णवाहिका मागवली. श्रमिक रेल्वे पाचोरा येथे प्लॅटफॉर्म क्रमांक चारवर थांबवण्यात आली. रेल्वे पोलीस उपनिरीक्षक एस. बी. पाटील, कर्मचारी ए. एच. तडवी, पी. बी. दुशिंग व सुभाष बोरसे यांनी कोचमध्ये जाऊन संबंधित महिला रोशनी जगताप, तिचा पती श्‍यामसुंदर जगताप व सासू लखाबाई जगताप यांना डब्यातून खाली उतरवले.
👨🏻‍⚕️ पुण्यात पहिल्या डॉक्टरचा मृत्यू
जगताप कुटुंबीय मध्यप्रदेशातील बडवानी जिल्ह्यातील बाबंदल येथील असून ते मुंबईहून आपल्या गावी परतत होते. रेल्वे कर्मचाऱ्यांनी जगताप कुटुंबातील तिघांना रुग्णवाहिकेद्वारे ग्रामीण रुग्णालयात आणले. तिथं डॉक्‍टर व आरोग्य सेवकांनी महिलेची तपासणी केली. उपचार सुरू असतानाच प्रसूती होऊन तिनं बाळाला जन्म दिला. माता व बालकाची प्रकृती ठणठणीत आहे.